Италиянинг «Комо» клуби «Челси» ҳужумчиси Лиам Делапни ўз сафига қўшиб олишда қийинчиликка дуч келмоқда.

Италия клуби инглиз футболчисини ижарага олиш бўйича лондонликлар билан музокара ўтказиб бўлган. Инсайдер Фабрицио Романонинг хабарига кўра, футболчининг маоши асосий муаммога айланган — «Комо» унинг маошини тўлиқ тўлай олмайди. «Челси» эса форвардни қўйиб юборишга шошилмаяпти, чунки унга бошқа даъвогарлар ҳам чиқиши мумкин деб ҳисобламоқда.

Лиам Делап ўтган йилнинг ёзида «Ипсвич»дан «Челси»га 35,5 миллион евро эвазига ўтган эди. Transfermarkt портали экспертларининг баҳолашича, 23 ёшли футболчининг ҳозирги трансфер нархи 28 миллион еврони ташкил этади.