«Ювентус»нинг янги ҳужумчиси Керим-Сэм Алайбегович жамоа бош мураббийи Лучано Спаллетти қўл остида ишлаш ҳақидаги илк таассуротлари билан ўртоқлашди.

«Ҳа, бу мураббий ҳақиқатан ҳам жуда кучли. Буни машғулотларда ҳам кўриш мумкин: Спаллетти доимо жамоадан энг яхшисини олишни ва мукаммалликка эришишни хоҳлайди. У жуда кўп ва тинимсиз ишлайди — бу биз учун жуда фойдали, чунки ҳар бир машғулотда ниманидир ўрганиш мумкин. Ҳар бир пас аниқ бўлиши кераклиги бўйича қўйиладиган талабларда ҳам бу яққол кўринади. Бу жуда муҳим, чунки сиз янги нарсаларни ўрганасиз, узатмалар, зарбалар, ҳаракатланиш ва майдонда тўғри жой эгаллашга эътибор қаратасиз. Мен учун у юқори тоифадаги мураббий ва у билан ишлаётганимдан жуда хурсандман. Ҳар куни, машғулотдан машғулотга янги нарсаларни ўрганиш имкониятини интиқлик билан кутяпман», — деди Алайбегович Tuttosport нашрига берган интервьюсида.