Босния ва Герцеговина терма жамоаси ҳужумчиси Керим-Сэм Алайбегович «Челси»дан таклиф бўлишига қарамай, нега айнан «Ювентус»ни танлагани сабабини тушунтириб берди.
«Агар сиздан «Ювентус»дек клуб қизиқиш билдириб, қўнғироқ қилса, унга «йўқ» дейиш жуда қийин. Бу дунёдаги энг йирик клублардан бири ва мен бу либосни кийиб юрганимдан жуда фахрланаман. Клубнинг менга бўлган ишончини ҳис қилиш мен учун чиндан ҳам жуда муҳим.
Бу қарорни қабул қилишимда Миралем Пьяничнинг роли қанчалик муҳим бўлди? Ҳа, у ушбу танловда сўзсиз катта роль ўйнади, чунки Пьянич «Ювентус»да ўйнаган, буюк футболчи бўлган ва туринликлар тарихида катта из қолдирган. Миралем отамга ҳам жуда катта ёрдам берди — у отам ва клуб билан доимий алоқада бўлиб турди. Якунда эса ҳаммамиз хоҳлаган натижага эришдик, барча бундан мамнун», — деди Алайбегович Tuttosport нашрига берган интервьюсида.
