Bosniya va Gersegovina terma jamoasi hujumchisi Kerim-Sem Alaybegovich «Chelsi»dan taklif bo‘lishiga qaramay, nega aynan «Yuventus»ni tanlagani sababini tushuntirib berdi.
«Agar sizdan «Yuventus»dek klub qiziqish bildirib, qo‘ng‘iroq qilsa, unga «yo‘q» deyish juda qiyin. Bu dunyodagi eng yirik klublardan biri va men bu libosni kiyib yurganimdan juda faxrlanaman. Klubning menga bo‘lgan ishonchini his qilish men uchun chindan ham juda muhim.
Bu qarorni qabul qilishimda Miralem Pyanichning roli qanchalik muhim bo‘ldi? Ha, u ushbu tanlovda so‘zsiz katta rol o‘ynadi, chunki Pyanich «Yuventus»da o‘ynagan, buyuk futbolchi bo‘lgan va turinliklar tarixida katta iz qoldirgan. Miralem otamga ham juda katta yordam berdi — u otam va klub bilan doimiy aloqada bo‘lib turdi. Yakunda esa hammamiz xohlagan natijaga erishdik, barcha bundan mamnun», — dedi Alaybegovich Tuttosport nashriga bergan intervyusida.
