Мадриднинг «Реал» клуби ярим ҳимоячиси Федерико Вальверде жамоанинг янги бош мураббийи Жозе Моуриньо ҳақида илиқ фикрларни билдирди ва португалиялик мутахассис қўл остида ишлашдан хурсанд эканини таъкидлади.
«Моуриньо — ажойиб ва ҳайратланарли мураббий. Мен футболчи, шахс ва етакчи сифатида ўсиш учун ундан ҳар куни янги нарсаларни ўрганишга ҳаракат қиляпман. Жозе билан жуда аъло муносабатдаман», — деди Вальверде инсайдер Фабрицио Романога берган интервьюсида.
Ўтган мавсумда «Реал» бирорта ҳам соврин юта олмагач, жамоага янги мураббий тайинланди. Мадридликлар устозига айланган Жозе Моуриньо бунга қадар «Бенфика» клубида фаолият юритаётган эди.
