«Манчестер Юнайтед» бош мураббийи Майкл Кэррик клубнинг янги мавсум олдидан қўйган асосий мақсадлари ҳақида тўхталиб ўтди. Мутахассис жамоа ҳар бир ўйинда ғалаба учун майдонга тушишини ва шу билан бирга мухлисларга завқ бағишлайдиган футбол кўрсатишни мақсад қилганини таъкидлади.
«Биринчи навбатда, биз ғалаба қозонишни хоҳлаймиз, лекин шу билан бирга ўйиндан завқ олишни ҳам истаймиз. Айнан шунинг учун ҳам биз ушбу ўйинни ва ушбу клубни яхши кўрамиз, чунки баъзида бизга жуда қийин бўлади.
Бироқ бунинг ўз жозибаси бор, нарсаларни муайян тарзда амалга оширишимиз кераклигини жуда яхши тушунаман. Лекин, албатта, энг муҳими — бу ғалаба. Биз имкон қадар теш-тез бунга интилишимиз керак», — деди Кэррик «Манчестер Юнайтед»нинг расмий сайтига берган интервьюсида.
«Манчестер Юнайтед» 2025/2026 йилги АПЛ мавсумини 3-ўринда якунлади ва Чемпионлар Лигаси йўлланмасини қўлга киритди. Эслатиб ўтамиз, Майкл Кэррик қишда Рубен Аморимнинг ўрнини эгаллаб, жамоа бош мураббийига айланган эди.
