«ПСЖ» 21 ёшли қанот ҳужумчиси Мики Годтснинг «Аякс»дан трансфер қилинганини расман эълон қилди. Футболчи билан 2031 йилгача мўлжалланган шартнома имзоланди.

«Дунёнинг энг яхши клубларидан бирига қўшилганимдан жуда фахрланаман. Бу либосни кийиб, “Парк де Пренс” стадиони ва мухлислари муҳитини ҳис қилишни интиқлик билан кутяпман. Президент Носир Ал-Хелайфий, Луиш Кампуш ва бош мураббий Луис Энрике билдирган ишончни оқлаш учун майдонда бор кучимни бераман», — деди Годтс «ПСЖ» расмий сайтига берган интервьюсида.

Ўтган мавсумда бельгиялик вингер барча мусобақаларда 44 та учрашувда майдонга тушиб, 17 та гол урди ва 15 та голли узатмани амалга оширди.

Transfermarkt маълумотларига кўра, футболчининг бозор қиймати 35 миллион еврога тенг.