«PSJ» 21 yoshli qanot hujumchisi Miki Godtsning «Ayaks»dan transfer qilinganini rasman e’lon qildi. Futbolchi bilan 2031 yilgacha mo‘ljallangan shartnoma imzolandi.

«Dunyoning eng yaxshi klublaridan biriga qo‘shilganimdan juda faxrlanaman. Bu libosni kiyib, “Park de Prens” stadioni va muxlislari muhitini his qilishni intiqlik bilan kutyapman. Prezident Nosir Al-Xelayfiy, Luish Kampush va bosh murabbiy Luis Enrike bildirgan ishonchni oqlash uchun maydonda bor kuchimni beraman», — dedi Godts «PSJ» rasmiy saytiga bergan intervyusida.

O‘tgan mavsumda belgiyalik vinger barcha musobaqalarda 44 ta uchrashuvda maydonga tushib, 17 ta gol urdi va 15 ta golli uzatmani amalga oshirdi.

Transfermarkt ma’lumotlariga ko‘ra, futbolchining bozor qiymati 35 million yevroga teng.