"Манчестер Сити" клуби "Челси" ярим ҳимоячиси Энцо Фернандес билан шартнома имзолаш умидини ҳали ҳам бой бергани йўқ.
"Шаҳарликлар" "кўклар" томонидан белгиланган муҳлатга улгуришмади ва жума кечигача талаб қилинган суммани — тахминан 140 миллион еврони таклиф қилишмади. Шунга қарамай, инсайдер Фабрицио Романонинг хабар беришича, "Сити" вакиллари аргентиналик футболчи номзодидан воз кечишгани йўқ ва трансферни амалга ошириш йўлини топиш мақсадида "Челси"га қўнғироқ қилишда давом этишмоқда.
Transfermarkt портали Энцо Фернандеснинг қийматини 100 миллион еврога баҳоламоқда. Лондонликлар ушбу хавбекни 2023 йил бошида "Бенфика"дан 121 миллион евро эвазига харид қилишган эди. 25 ёшли футболчининг амалдаги шартномаси 2032 йилгача мўлжалланган.
