Жоау Канселу "Ал-Ҳилол"ни тарк этиб, "Барселона"га кўчиб ўтишга тайёргарлик кўрмоқда. Аввалроқ хабар берилганидек, португалиялик футболчи Саудия клуби билан шартномани бекор қилишга яқин турибди. Инсайдер Фабрицио Романонинг маълумотига кўра, "кўк-анорранглилар" қанот ҳимоячиси билан тез орада шартнома имзоланишига амин — унинг қайтиши кейинги ҳафтага режалаштирилган.

Ўтган мавсумнинг иккинчи ярмида каталонияликлар сафида ижара асосида тўп сурган Канселу 23 та ўйинда майдонга тушиб, 2 та гол урди ва 4 та голли узатмага муаллифлик қилди. Шунингдек, футболчи 2023/24 йилги мавсумда ҳам "Барса" шарафини ҳимоя қилган эди — ўшанда ҳам у "Манчестер Сити"дан ижарага олинганди.