Англиянинг «Борнмут» клуби кичик можаронинг марказида қолди. Бу ҳақда Bournemouth Echo хабар берди.

Клуб ўйинларида қарийб 60 йил ишлаган ходимга янги мавсум бошланишига атиги икки ҳафта қолганида шартномаси узайтирилмаслиги ҳақида электрон почта орқали хабар берилди.

У узоқ вақт давомида ўйин кунлари турли вазифаларни бажарган — тақвимларни сотган, автотураргоҳда ишлаган ва бошқа ташкилий масалаларда ёрдам берган.

Ушбу маълумотнинг ижтимоий тармоқларда тарқалиши мухлисларнинг норозилигига сабаб бўлди. Шундан сўнг «Борнмут» расмий баёнот бериб, ходимлар билан мулоқот қилиш усули клуб стандартларига мос келмаганини тан олди ҳамда жабрланган ходим билан шахсан боғланиб, юз берган воқеани муҳокама қилишини маълум қилди.