Саудия Арабистонининг «Ал-Ҳилол» клуби 38 ёшли ҳужумчиси Карим Бенземани сотиш вариантларини кўриб чиқишга тайёр. Бу ҳақда футбол журналисти Аҳмад Ал-Ажлон маълум қилди.

Манбага кўра, агар клубга молиявий жиҳатдан манфаатли таклиф келиб тушса, «Ал-Ҳилол» Бензема билан хайрлашишга рози бўлади.

Бу хабар Саудия чемпионатининг 1-турида «Ал-Ҳилол»нинг «Ал-Файсалий» устидан 4:2 ҳисобидаги ғалабасидан кейин пайдо бўлди. Мазкур учрашувда Бензема пенальтидан ҳисобни очган бўлса, иккинчи бўлимда 70-дақиқадаги алмаштирув қарорига норозилик билдирган.

Карим Бензема ўтган йили «Ал-Ҳилол» сафига қўшилган эди. Ўтган мавсумда у клуб сафида 13 та учрашувда иштирок этиб, 9 та гол урди ва 5 та голли узатмани амалга оширди.