Бугун Германиянинг Франкфурт шаҳрида бадиий гимнастика бўйича жаҳон чемпионати якунланади. Мусобақанинг сўнгги кунида Ўзбекистон вакиллари икки дастурда медаллар учун кураш олиб боради.

Тахмина Икромова кўпкурашнинг алоҳида турлари бўйича ўтказилган саралаш баҳсларида ҳалқадаги машқини муваффақиятли бажариб, финал йўлланмасини қўлга киритди.

Шунингдек, Ўзбекистон терма жамоаси қизлари гуруҳ машқининг 3 та ҳалқа ва 2 жуфт булава дастурида ҳам финалга йўл олди.

Шу тариқа, жаҳон чемпионатининг сўнгги кунида Тахмина Икромова ҳамда гуруҳ машқидаги қизларимиз совринли ўринлар учун баҳс олиб боради.