Bugun Germaniyaning Frankfurt shahrida badiiy gimnastika bo‘yicha jahon chempionati yakunlanadi. Musobaqaning so‘nggi kunida O‘zbekiston vakillari ikki dasturda medallar uchun kurash olib boradi.
Taxmina Ikromova ko‘pkurashning alohida turlari bo‘yicha o‘tkazilgan saralash bahslarida halqadagi mashqini muvaffaqiyatli bajarib, final yo‘llanmasini qo‘lga kiritdi.
Shuningdek, O‘zbekiston terma jamoasi qizlari guruh mashqining 3 ta halqa va 2 juft bulava dasturida ham finalga yo‘l oldi.
Shu tariqa, jahon chempionatining so‘nggi kunida Taxmina Ikromova hamda guruh mashqidagi qizlarimiz sovrinli o‘rinlar uchun bahs olib boradi.
