Фабрицио Романонинг хабарига кўра, «Аталанта»нинг ўнг қанот ҳимоячиси Рауль Белланова ушбу мавсумлараро танаффусда клубини ўзгартириши мумкин.

26 ёшли футболчига бир қанча Италия ва хориж клублари, жумладан, футболчининг трансфери бўйича музокараларни бошлаб юборган «Фулхэм» ҳам қизиқиш билдирмоқда.

«Аталанта» қанча сумма талаб қилаётгани номаълум. Икки йил аввал унинг «Торино»дан трансфери бергамоликларга 20 миллион еврога тушган эди.

Ўшандан бери Рауль 79 та ўйинда майдонга тушиб, 1 та гол урди ва 11 та голли узатмага муаллифлик қилди.

Илгари у «Интер», «Кальяри», «Пескара», «Бордо» ва «Милан» клубларида ҳам тўп сурган.

Эслатиб ўтамиз, ҳозирда «Фулхэм» таркибида иккита номинал ўнг қанот ҳимоячиси бор — Тимоти Кастань (ўтган мавсумда 36 та ўйинда 1 та ассист) ва Кенни Тете (23 та ўйинда 1 та гол).