«Спортинг» ҳужумчиси Луис Суарес Каталония клуби томонидан қизиқиш бўлишига қарамай, «Барселона»га ўтиши даргумон.

Инсайдер Фабрицио Романонинг хабар беришича, «Барселона» Суареснинг шартномасидаги 80 миллион евролик товон пули опциясини фаоллаштирмоқчи эмас, чунки бу нархни ҳаддан ташқари юқори деб ҳисоблайди. ўз навбатида, «Спортинг» ҳам ҳеч қандай чегирма қилишни режалаштирмаяпти. Луис Суарес Португалияда қолиши кутилмоқда.

Ўтган мавсумда 28 ёшли колумбиялик ҳужумчи барча турнирларда 53 та ўйинда майдонга тушиб, 38 та гол урди ва 9 та голли узатмага муаллифлик қилди.

Transfermarkt портали маълумотларига кўра, Суареснинг бозор қиймати 30 миллион еврони ташкил этади.