Лондоннинг «Челси» клуби ҳужумчиси Лиам Делап жамоани тарк этган тақдирда ҳам Англия Премьер-лигасида қолишни ният қилган. Бу ҳақда talkSPORT нашри хабар бермоқда.

Манба берган маълумотларга кўра, «Челси» ушбу ёзда ўз ҳужумчисини сотишни режалаштирмоқда. Делапга Италиянинг «Комо» клуби томонидан қизиқиш бор. Шунингдек, аввалроқ футболчининг номи «Эвертон» ва «Ньюкасл» билан боғланган эди, бироқ ушбу клублар ҳозирча расмий таклиф билан чиқишмаган.

Олдинроқ «кўклар» ўтган ёзда «Ипсвич»дан 35,5 миллион евро эвазига сотиб олинган 23 ёшли Делапга трансфер нархини белгилагани ҳақида хабар берилган эди.

Ҳужумчи «Челси» таркибида 41 та ўйинда майдонга тушиб, 2 та гол урди ва 4 та голли узатмага муаллифлик қилди.