Londonning «Chelsi» klubi hujumchisi Liam Delap jamoani tark etgan taqdirda ham Angliya Premyer-ligasida qolishni niyat qilgan. Bu haqda talkSPORT nashri xabar bermoqda.

Manba bergan ma’lumotlarga ko‘ra, «Chelsi» ushbu yozda o‘z hujumchisini sotishni rejalashtirmoqda. Delapga Italiyaning «Komo» klubi tomonidan qiziqish bor. Shuningdek, avvalroq futbolchining nomi «Everton» va «Nyukasl» bilan bog‘langan edi, biroq ushbu klublar hozircha rasmiy taklif bilan chiqishmagan.

Oldinroq «ko‘klar» o‘tgan yozda «Ipsvich»dan 35,5 million yevro evaziga sotib olingan 23 yoshli Delapga transfer narxini belgilagani haqida xabar berilgan edi.

Hujumchi «Chelsi» tarkibida 41 ta o‘yinda maydonga tushib, 2 ta gol urdi va 4 ta golli uzatmaga mualliflik qildi.