Лондоннинг «Челси» клуби вингери Джейми Байно-Гиттенс «Фенербахче»нинг қизиқишлари доирасига кирмайди. Бу ҳақда Туркия клуби матбуот хизмати маълум қилди.

«Оммавий ахборот воситаларида пайдо бўлган «Фенербахче»нинг Байно-Гиттенсга қизиқишаётгани ҳақидаги маълумотлар ҳақиқатга тўғри келмайди. Сохта трансфер хабарлари орқали «Фенербахче» номидан фойдаланишга бўлган уринишлар ҳеч қандай натижа бермаслигини аниқ таъкидлаймиз», — дейилади клуб хабарида.

Ўтган мавсумда 22 ёшли Байно-Гиттенс барча мусобақаларни ҳисобга олганда 27 та ўйинда майдонга тушиб, 1 та гол урди ва 5 та результатив узатмага муаллифлик қилди.

Transfermarkt портали маълумотларига кўра, футболчининг бозор қиймати 30 миллион еврони ташкил этади.