Мадриднинг «Реал», шунингдек «Манчестер Сити», «Челси» ва «Тоттенхэм» клублари шу ёзда «Ливерпуль» ярим ҳимоячиси Алексис Мак Аллистерга қизиқиш билдиришган. Бу ҳақда Caught Offside нашри хабар бермоқда.

Манба хабарига кўра, мерсисайдликлар аргентиналик футболчини жамоада олиб қолмоқчи ва шу сабабли йил охирида у билан янги шартнома бўйича музокараларни бошлашни режалаштиришмоқда. 27 ёшли футболчининг амалдаги шартномаси 2028 йилнинг ёзигача мўлжалланган. Шунингдек, «Ливерпуль» Transfermarkt’даги бозор баҳоси 70 миллион евро бўлган Мак Аллистер учун 100 миллион евро нарх белгилади.

Футболчининг ўзи ҳам янги бош мураббий Андони Ираола қўлостида «Ливерпуль»даги фаолиятини давом эттиришни ва мерсисайдликларнинг янги лойиҳасида етакчига айланишни истамоқда.