Аввалроқ «Монако»ни бошқарган Себастьен Поконьоли Шотландия терма жамоасининг янги бош мураббийи бўлишга розилик берди. Бу ҳақда таниқли журналист Бен Жейкобс хабар бермоқда.
Шотландия терма жамоаси 2026 йилги Жаҳон чемпионатида муваффақиятсиз иштирок этди. Жамоа Гаитини минимал 1:0 ҳисобида мағлуб этган бўлса-да, Марокаш (0:1) ва Бразилияга (0:3) имкониятни бой бериб, плей-офф босқичига чиқа олмади.
Июнь ойи охирида 2019 йилдан бери шотландларни бошқариб келаётган Стив Кларк ўз лавозимини тарк этган эди. Эндиликда унинг ўрнини аввалроқ «Монако», «Генк» ва «Юнион» клубларида фаолият олиб борган 39 ёшли Поконьоли эгаллаши кутилмоқда.
Бельгиялик мутахассис ўтган мавсум якунида «Монако»ни тарк этган эди.
