«Манчестер Сити» бош мураббийи Энцо Мареска инглиз клубига ўтиши мумкин бўлган ярим ҳимоячи Айюб Буадди ҳақида ўз фикрини билдирди.

«У ҳали ҳам «Лилль» ўйинчиси. Аммо ҳар қандай янги футболчи борасида вазият оддий: у жамоага қанчалик эрта қўшилса, шунча яхши. Бир ҳафтадан сўнг чемпионатдаги биринчи ўйинимиз бўлиб ўтади, шунинг учун янги ўйинчи имкон қадар тезроқ биз билан ишлашни бошлаши ва ўйин тамойилларимизни тушуниб олиши муҳим», — дейди Мареска Sky Sports нашрига.

Охирги маълумотларга кўра, «шаҳарликлар» Буадди билан шахсий шартнома шартларини келишиб олишган ва 18 ёшли футболчи учун 100 миллион еврогача тўлашга тайёр. Ўтган мавсумда Буадди клуб даражасидаги 42 та ўйинда 1 та голли узатмага муаллифлик қилган.