Лондоннинг «Арсенал» клуби «Манчестер Сити»ни йирик ҳисобда мағлуб этиб, Англия Суперкубогини қўлга киритди. «Канонирлар»нинг италиялик ҳимоячиси Риккардо Калафьори ушбу ўйин жамоа учун муҳим синов бўлганини таъкидлади.
«Бу биз учун жуда муҳим ўйин ва муҳим синов эди. Ғолиблик менталитетимизни тасдиқлашимиз зарур эди. Жуда ажойиб туйғулар. Тезкор гол жуда қўл келди. Биз мукаммалликка яқин ўйин кўрсатдик», — дейди Калафьори BBC Sport нашрига берган интервьюсида.
Эслатиб ўтамиз, «Арсенал» ўз тарихида 18-маротаба Англия Суперкубоги эгасига айланди. АПЛнинг биринчи турида клуб «Ковентри»га қарши майдонга тушади, ушбу баҳс яқинлашиб келаётган жума куни бўлиб ўтади.
