«Тоттенхэм» «Челси» ҳужумчиси Николас Жексонни харид қилиш фикридан воз кечди.

«Шпорлар» 25 ёшли сенегаллик форвард учун асосий даъвогарлардан бири сифатида тилга олинаётган эди, аммо курашдан чиқишга қарор қилишди. Инсайдер Экрем Конурнинг хабар беришича, «лондонликлар» ўз ҳужумчиси учун 70 миллион евро сўрамоқда — «Тоттенхэм» раҳбарияти эса бу нархни ҳаддан ташқари юқори деб баҳолади.

Николас Жексонга шунингдек «Астон Вилла» ва Мадриднинг «Атлетико» клублари ҳам қизиқиш билдирмоқда. Transfermarkt портали футболчининг бозор қийматини 40 миллион еврога баҳолаган. Унинг «Челси» билан амалдаги шартномаси 2033 йилгача мўлжалланган.

Эслатиб ўтамиз, ўтган мавсумда Жексон ижара ҳуқуқи асосида «Бавария» шарафини ҳимоя қилган эди.