"Фиорентина" ҳужумчиси Мойзе Кин фаолиятини Италия А Сериясининг бошқа клубида давом эттириши мумкин.
Инсайдер Николо Скира маълумотига кўра, 26 ёшли футболчига "Комо" жиддий қизиқиш билдирмоқда. Клуб шу ҳафта давомида Кин трансфери бўйича "Фиорентина"га расмий таклиф юборишни режалаштирган.
"Комо"нинг италиялик ҳужумчига қизиқиши ҳақидаги дастлабки хабарлар июль ойида пайдо бўлган эди. Ўшанда "Фиорентина" ўзининг етакчи футболчиларидан бири учун тахминан 40 млн евро талаб қилаётгани маълум қилинганди.
Transfermarkt портали Мойзе Киннинг ҳозирги бозор қийматини 32 млн еврога баҳоламоқда.
Ҳужумчи Флоренция клуби сафида барча мусобақаларда жами 78 та учрашувда майдонга тушиб, 35 та гол урган ва 7 та голли узатмани амалга оширган.
