Якшанба куни «Ланс» Франция Суперкубоги соҳибига айланди. Жамoа «ПСЖ»ни 1:0 ҳисобида мағлубликка учратди. Тровни қўлга киритгач, «олтин ранглилар» бош мураббийи Дино Топпмёллер кийиниш хонасида ўз шогирдларига мурожаат қилди.
«Ғалаба билан табриклайман. Майдонда кўрсатган характер ва кайфиятингиз билан ҳамма «Ланс» аслида нима эканини тушуниб етди. Биз ҳеч кимдан қўрқмаймиз. Агар бизда шундай руҳ сақланиб қолса, янада катта муваффақиятларга эришишимиз мумкин. Табриклайман, сизлар билан жуда фахрланаман», — деди мутахассис Ligue 1+ томонидан эълон қилинган видеороликда.
Эслатиб ўтамиз, «Ланс» ўтган мавсумда Лига 1 жадвалида иккинчи ўринни эгаллаган ва Франция Кубогида ҳам зафар қучган эди.
