«Ванкувер» ярим ҳимоячиси Томас Мюллер МЛС доирасида «Сиэтл»га қарши ўтказилган учрашувда гол урди. Баҳс «Ванкувер»нинг 2:0 ҳисобидаги ғалабаси билан якунланди.
36 ёшли германиялик футболчи чемпионатда кетма-кет иккинчи ўйинда рақиб дарвозасини ишғол қилди.
Бунга қадар Мюллер МЛСда 5 та учрашув давомида гол ура олмаган эди. У аввалги голини 18 апрель куни «Канзас Сити»га қарши 3:0 ҳисобида якунланган баҳсда киритганди.
«Бавария»нинг собиқ футболчиси жорий МЛС мавсумида жами 15 та учрашувда майдонга тушиб, 6 та гол ва 2 та голли узатмани ўз ҳисобига ёздирган.
