«Реал» ҳужумчиси Хакобо Ортега фаолиятини Франциянинг «Страсбур» клубида давом эттиради. Бу ҳақда француз клуби матбуот хизмати расман маълум қилди.

20 ёшли испаниялик футболчи «Страсбур» билан 2031 йил ёзига қадар мўлжалланган шартнома имзолади. Transfermarkt портали маълумотига кўра, трансфер қиймати 10 млн еврони ташкил этган.

Испания ОАВ қайд этишича, ушбу келишув «Реал» учун ўзи тарбиялаган, аммо асосий жамоада бирорта ҳам расмий ўйин ўтказмаган футболчининг рекорд даражадаги сотуви бўлди.

Ортега «Реал»нинг иккинчи жамоаси сафида 18 та учрашувда майдонга тушиб, 6 та гол урган.