Испаниялик таниқли журналист Хосе Бадия Мадриднинг "Реал" клуби янги мавсумга қандай ҳолатда етиб келгани ҳақида фикр билдирди. У жамоанинг эҳтимолий етакчиларини ажратиб кўрсатди ва айрим янги футболчиларнинг ўйинига ҳам баҳо берди.
Шу билан бирга, Бадия мавсум старти арафасида "Реал"даги асосий муаммолардан бири сифатида Винисиус Жуниорнинг жисмоний ҳолатини кўрсатди. Журналистнинг фикрича, бразилиялик вингер ҳозирча оптимал формада эмас ва унга энг яхши ҳолатга чиқиш учун бир неча ҳафта керак бўлади.
"Реал Мадрид"нинг янги мавсумга тайёргарлиги якунланди. Мени энг кўп Арда Гюлернинг ажойиб ўйини ҳайратга солди. Шунингдек, Бернарду Силва ва Эспининг ҳаракатлари ҳам менда жуда яхши таассурот қолдирди.
Винисиус Жуниорнинг жисмоний ҳолати мени хавотирга солмоқда. Унга оптимал формага кириш учун бир неча ҳафта керак бўлади. Аммо Килиан Мбаппе ҳамон дунёнинг энг яхши футболчиси бўлиб қолмоқда. Жозе Моуриньюнинг лойиҳаси эса жуда истиқболли кўринмоқда", — деди Бадия Onda Cero нашрига.
