Ўзбекистон Суперлигаси 17-турида тўпга эгалик қилиш бўйича энг юқори кўрсаткичлар қайд этган жамоалар маълум қилинди.

HUDL тақдим этган статистикага кўра, «Локомотив» 72 фоизлик натижа билан рўйхатда биринчи ўринни эгаллади. Кейинги поғоналардан «Сурхон» — 68, «Машъал» — 67 ва «Динамо» — 65 фоизлик кўрсаткич билан жой олди.

Бироқ тўп назорати ушбу жамоаларга ғалаба келтирмади. «Локомотив» «Қўқон-1912»га 1:2, «Сурхон» «Сўғдиёна»га 1:3, «Машъал» эса «Қизилқум»га 0:2 ҳисобида мағлуб бўлди. «Динамо» «Хоразм» билан 2:2 ҳисобида дуранг ўйнади.

Шу тариқа, мазкур кўрсаткич бўйича турнинг энг яхши тўрт жамоасидан ҳеч бири уч очко қўлга кирита олмади.