«Севилья» ярим ҳимоячиси Люсьен Агуме Саудия Арабистони клубларидан бирининг қизиқиш доирасига тушди.
Журналист Маноло Агиларнинг хабар беришича, 23 ёшли футболчи учун андалусияликларга 30 млн евролик таклиф келиб тушган.
Агуме ҳозирча Саудия Арабистонига кўчиб ўтишга катта қизиқиш билдирмаяпти. Бироқ «Севилья» раҳбарияти молиявий жиҳатдан манфаатли бўлган ушбу трансферни амалга ошириш мақсадида футболчини кўндиришга уринмоқда.
Томонлар ўртасидаги музокаралар натижаси кўп жиҳатдан Агуменинг якуний қарорига боғлиқ бўлади. Ҳозирча клуб номи ва таклифнинг бошқа шартлари маълум қилинмаган.
