Қатарнинг «Ас-Садд» клуби «Арсенал» вингери Габриэл Мартинелли атрофидаги вазиятни диққат билан кузатмоқда. Бу ҳақда журналист Маттео Моретто хабар берди.

Манба маълумотига кўра, «канонирлар» бразилиялик футболчини 50 млн евродан юқори баҳоламоқда.

Мартинеллининг «Арсенал» билан амалдаги шартномаси 2027 йил 30 июнга қадар мўлжалланган. Келишувда уни яна бир йилга узайтириш имконияти ҳам мавжуд.

25 ёшли вингер ўтган мавсумда клуб сафида 53 та учрашувда майдонга тушиб, 11 та гол урди ва 7 та голли узатмани амалга оширди.

Аввалроқ Мартинелли Туркия чемпионатига ўтиш вариантини ҳеч қачон жиддий кўриб чиқмагани хабар қилинган эди.