Qatarning «As-Sadd» klubi «Arsenal» vingeri Gabriel Martinelli atrofidagi vaziyatni diqqat bilan kuzatmoqda. Bu haqda jurnalist Matteo Moretto xabar berdi.

Manba ma’lumotiga ko‘ra, «kanonirlar» braziliyalik futbolchini 50 mln yevrodan yuqori baholamoqda.

Martinellining «Arsenal» bilan amaldagi shartnomasi 2027 yil 30 iyunga qadar mo‘ljallangan. Kelishuvda uni yana bir yilga uzaytirish imkoniyati ham mavjud.

25 yoshli vinger o‘tgan mavsumda klub safida 53 ta uchrashuvda maydonga tushib, 11 ta gol urdi va 7 ta golli uzatmani amalga oshirdi.

Avvalroq Martinelli Turkiya chempionatiga o‘tish variantini hech qachon jiddiy ko‘rib chiqmagani xabar qilingan edi.