«Милан» ҳужумчиси Рафаэл Леау фаолиятини «Рома»да давом эттириши мумкин. Журналист Саша Тавольерининг хабарига кўра, футболчининг агенти Жорже Мендеш 27 ёшли португалиялик хизматларини шахсан Рим клуби эгаларига таклиф қилган.
«Россонери» португалиялик вингернинг трансфер нархини пасайтирди — эндиликда улар аввалги 60 миллион евро ўрнига тахминан 40 миллион евро эвазига Леауни сотишга тайёр.
Леаунинг ўзи ёз бошида фаолиятини бошқа чемпионатда давом эттиришни хоҳлашини айтган эди, аммо бошқа лигалардан харидор топиш мураккаблик туғдирмоқда.
Шунингдек, «Милан» португалиялик футболчининг ўрнини тўлдириш учун «Страсбург» аъзоси Диего Морейра номзодини кўриб чиқмоқда ва унинг учун 45 миллион евро тўлашга тайёр.
