«Milan» hujumchisi Rafael Leau faoliyatini «Roma»da davom ettirishi mumkin. Jurnalist Sasha Tavolyerining xabariga ko‘ra, futbolchining agenti Jorje Mendesh 27 yoshli portugaliyalik xizmatlarini shaxsan Rim klubi egalariga taklif qilgan.

«Rossoneri» portugaliyalik vingerning transfer narxini pasaytirdi — endilikda ular avvalgi 60 million yevro o‘rniga taxminan 40 million yevro evaziga Leauni sotishga tayyor.

Leauning o‘zi yoz boshida faoliyatini boshqa chempionatda davom ettirishni xohlashini aytgan edi, ammo boshqa ligalardan xaridor topish murakkablik tug‘dirmoqda.

Shuningdek, «Milan» portugaliyalik futbolchining o‘rnini to‘ldirish uchun «Strasburg» a’zosi Diyego Moreyra nomzodini ko‘rib chiqmoqda va uning uchun 45 million yevro to‘lashga tayyor.