"Барселона" Альварес учун сўнгги сониягача курашади
"Барселона" ҳали ҳам "Атлетико Мадрид" ҳужумчиси Хулиан Альварес билан таркибини кучайтиришга умид қилмоқда.
Аргентиналик футболчи "кўк-анорранглилар" сафига қўшилишни истайди, аммо "матрасчилар" уни қўйиб юборишни истамаяпти. Журналист Жота Жордининг сўзларига кўра, "Барселона" 26 ёшли ҳужумчидан воз кечмайди - улар трансфер ойнаси ёпилишидан олдинги сўнгги сонияларни кутишади. Агар улар бу ёзда уни сотиб ололмасалар, каталонияликлар январь ойида уни сотиб олишлари мумкин.
"Барселона" Хулиан Альварес учун тахминан 100 миллион евро таклиф қилди, унинг Transfermarktдаги нархи эса 120 миллион евро. "Атлетико Мадрид" жаҳон чемпионини қўлга киритишнинг ягона йўли 500 миллион евро миқдоридаги товон пули тўлаш эканлигини бир неча бор таъкидлаган.
