"Челси" қанот ҳимоячиси Педру Нету тез орада "Ал-Ҳилол"га ўтиши мумкин. Саудия Арабистони гигантлари португалиялик футболчи билан шартнома имзолаш устида ишламоқда, унга "Манчестер Сити" ҳам қизиқиш билдирмоқда. Журналист Николо Скиранинг сўзларига кўра, Ар-Риёд клуби 26 ёшли футболчига "катта" маош ва узоқ муддатли шартнома таклиф қилишга тайёр. Музокаралар жадал ривожланмоқда.
Transfermarkt Педру Нетунинг бозор қийматини 60 миллион еврога баҳоламоқда, аммо миш-мишларга кўра, "Челси" бундан деярли икки баравар кўп - 117 миллион евро сўрамоқда. Нетунинг амалдаги шартномаси 2031 йилгача амал қилади.
