«Барселона» ярим ҳимоячиси Фермин Лопес 2025 йилда «Челси»га амалга ошмай қолган трансфери ҳақида фикр билдирди.

«Бошқа клублар сенга қизиқиш билдираётгани, албатта, ёқимли. Аммо мен доим “Барселона”да ўйнашни давом эттиришни хоҳлашимни очиқ айтиб келганман», — дея Лопеснинг сўзларини diariARA нашри келтирди.

Фермин Лопес — «Барселона» академияси тарбияланувчиси. Ўтган мавсумда 23 ёшли испаниялик футболчи барча мусобақалар доирасида 48 та ўйинда майдонга тушиб, 13 та гол урди ва 17 та голли узатмани амалга оширди.

Ярим ҳимоячининг Испания чемпиони билан амалдаги шартномаси 2031 йилнинг ёзига қадар мўлжалланган. Transfermarkt маълумотига кўра, футболчининг бозор қиймати 100 миллион еврони ташкил этади.