"Барселона" ярим ҳимоячиси Марк Касадога "Бенфика" ва "Ноттингем Форест" клублари қизиқиш билдирмоқда. Бу ҳақда SPORT журналисти Мигель Санс хабар берди.
Манбага кўра, 21 ёшли футболчига Саудия Арабистони клубларидан ҳам юқори маошли таклифлар бор. Бироқ Касадонинг ўзи фаолиятини Саудия Арабистонида давом эттиришни истамаяпти.
"Барселона" эса ярим ҳимоячининг трансферидан 30 млн евро атрофида маблағ ишлаб олишга умид қилмоқда.
Ҳозирча "Бенфика" ёки "Ноттингем Форест" томонидан расмий таклиф юборилгани ҳақида маълумот йўқ. Касадонинг келажаги ёзги трансфер ойнаси ёпилгунига қадар ҳал бўлиши мумкин.
