"Барселона" "Арсенал" ҳужумчиси Виктор Дьёкерешни сотиб олиш имкониятини кўриб чиқмоқда. Каталонияликлар Хулиан Альварес трансферида қийинчиликка дуч келгач, швециялик футболчига эътибор қаратган.
Дьёкереш "Арсенал"га ўтган ёзда "Спортинг"дан келиб қўшилган ва дебют мавсумида барча мусобақаларда 21 та гол урган.
Бироқ ҳозирча трансфер бўйича аниқ келишув йўқ. Фабрицио Романо маълумотига кўра, айни пайтда "Барселона", "Арсенал" ва Дьёкереш томони ўртасида расмий музокаралар олиб борилмаяпти.
Шу билан бирга, "Арсенал"да Итан Нванерининг ҳам келажаги ноаниқ. Романо 19 ёшли футболчи ёзги трансфер ойнаси ёпилгунига қадар клубни тарк этишини билдирган. Унга "Милан", "Галатасарой" ва Германия клубларидан қизиқиш бор.
