Испаниялик ярим ҳимоячи Родри Эрнандес «Манчестер Сити»ни тарк этиб, «Барселона» сафига қўшилди.

Инсайдер Фабрицио Романонинг маълум қилишича, 30 ёшли футболчи каталонияликлар билан 2030 йил июнига қадар мўлжалланган шартнома имзолаган.

Аввалроқ Родрининг трансфери «Барселона»га 60 миллион евро ва қўшимча бонусларга тушиши хабар қилинганди. Тарқалган маълумотларга кўра, ярим ҳимоячи янги жамоасида бир мавсум учун 15 миллион евро маош олади.

Родри «Манчестер Сити» сафида жами 298 та ўйинда майдонга тушиб, 28 та гол урган ва 32 та голли узатмани амалга оширган.

«Барселона» янги мавсумдаги илк расмий учрашувини 23 август куни ўтказади. Ла Лиганинг биринчи турида каталонияликларга «Эльче» рақиблик қилади.