"Милан" ҳужумчиси Кристофер Нкунку фаолиятини "РБ Лейпциг"да давом эттириши мумкин.

Инсайдер Фабрицио Романонинг маълум қилишича, Германия клуби 28 ёшли футболчини ўз сафига қайтаришдан манфаатдор ва уни ижарага олиш бўйича аллақачон таклиф юборган.

Қайд этилишича, Нкунку ҳозирча келажаги борасида якуний қарорга келмаган. Франциялик ҳужумчи ўзида мавжуд барча вариантларни кўриб чиқиб, шундан сўнг фаолиятини қаерда давом эттиришини ҳал қилмоқчи.

Аввалроқ "Милан" жорий ёзда футболчи билан хайрлашишга тайёр экани ҳақида хабарлар тарқалганди.

Нкунку "РБ Лейпциг" сафида 2019 йилдан 2023 йилга қадар тўп сурган. Кейинчалик у Лондоннинг "Челси" клубига ўтган. Франциялик футболчи 2025 йил ёзидан буён "Милан" шарафини ҳимоя қилиб келмоқда.