Дарвозабон Гульельмо Викарио "Тоттенхэм"дан "Ювентус"га ўтди. Турин клуби 29 ёшли футболчини икки мавсумга ижарага олганини расман эълон қилди.
Ижара учун "Ювентус" ҳеч қандай тўлов амалга оширмайди. Келишув якунида эса туринликлар Викариони сотиб олиш ҳуқуқига эга бўлади.
Дарвозабонни тўлиқ харид қилиш қиймати 8 миллион еврони ташкил этади. Бонуслар ҳисобига трансфер суммаси яна 2 миллион еврогача ошиши мумкин. Агар "Ювентус" Викариони сотиб олишга қарор қилса, трансфер пули уч йил давомида тўлаб борилади.
"Ювентус" Италия чемпионатидаги навбатдаги учрашувини 23 август, якшанба куни сафарда "Фрозиноне"га қарши ўтказади.
