Ўзбекистон Суперлигасининг 18-туридан ўрин олган "Сўғдиёна" — "Қизилқум" учрашувининг статистик кўрсаткичлари эълон қилинди. Баҳс жиззахликларнинг 2:1 ҳисобидаги ғалабаси билан якунланганди.

Статистикага кўра, "Сўғдиёна" тўп назорати бўйича устунлик қилди — 55 фоизга 45 фоиз. Мезбонлар рақиб дарвозаси томон 14 та зарба йўллаб, уларнинг 5 тасини аниқ амалга оширди. "Қизилқум" эса 11 та зарбадан фақат 2 тасини дарвоза нишонга йўналтира олди.

Қизиқ томони, кутилган голлар (xG) кўрсаткичи бўйича "Қизилқум" анча юқори натижа қайд этди — 1,77 га 0,96. Шунга қарамай, "Сўғдиёна" ўз имкониятларидан самарали фойдаланиб, уч очкони қўлга киритди.

Паслар аниқлиги бўйича ҳам жиззахликлар устун бўлди — 79 фоизга 72 фоиз. "Сўғдиёна" 11 та, "Қизилқум" эса 8 та калит пасни амалга оширган.

Бурчак зарбаларида эса "Қизилқум" устунлик қилди — 7:3. Қоидабузарликлар сони "Сўғдиёна"да 14 та, "Қизилқум"да 11 тани ташкил этган. Офсайдлар бўйича ҳисоб 2:0 кўринишида жиззахликлар фойдасига.