"Кальяри" ҳужумчиси Яэль Трепи Сардинияда бассейнда юз берган ҳодисадан сўнг шифохонага ётқизилган эди. Sky News хабарига кўра, футболчи комадан чиқди.
Якшанба куни кечқурун 20 ёшли футболчи вилладаги бассейнда ҳушини йўқотган. Шундан сўнг у зудлик билан шифохонага етказилиб, интубация қилинган.
"Бемор ҳушини тўлиқ тиклади", — дейилади шифохона баёнотида.
Трепи "Кальяри" академияси тарбияланувчиси ҳисобланади. У 2026 йил февралидан буён Италия клубининг асосий жамоасида тўп тепмоқда. Ўтган мавсумда франциялик ҳужумчи Италия чемпионатида 8 та ўйин ўтказиб, 1 та гол урган.
