Мюнхеннинг "Бавария" клуби ва Голландия терма жамоаси яримҳимоячиси Арьен Роббен клуб билан шартномасини узайтириши мумкинлиги тўғрисида гапириб ўтди.
"Фаолиятимни якунлагач нима қилишни ҳозирча билмай турибман. Ҳар доим шундай ўтган кунларимдан максимум завқ олиб яшашга ҳаракат қиламан. Бугун ҳам клубда бахтлиман. Агар улар шартномани узайтиришни исташса, унда кутаман. Билишимча, телефон рақамим уларда бор.
Аммо бу футбол. Уч-тўрт йилдан кейин нима бўлиши ҳақида гапириб бўлмайди. Футболда бугун ва яна бугун бор.
Миллионинчи марта айтяпман, ўзимни клубда жуда зўр ҳис этяпман. Оилам Мюнхенни ўз уйларидек кўникиб кетишган. Шундай экан, ҳозирча менда ҳаммаси жойида", деди Роббен.