Бир неча ҳафта аввал польша футболчиси Павел Давидович Италия чемпионатига қайтиши мумкинлиги ҳақида хабарлар тарқалган эди. Ўшанда унга А Серияга қайтган «Монца» қизиқиш билдираётгани айтилганди.
Бироқ вазият бошқача тус олди — футболчи билан шартнома имзолаганини «Верона» эълон қилди. Қизиғи, бу клуб аксинча, яқинда А Серияни тарк этиб, B Серияга тушиб кетган.
Давидовичнинг айнан «Верона»ни танлашига клуб билан яхши таниш экани таъсир қилган бўлиши мумкин. Польша футболчиси 2018 йилдан 2025 йилга қадар етти мавсум давомида ушбу жамоа шарафини ҳимоя қилган.
Шу вақт ичида Давидович «Верона» сафида 180 та учрашувда майдонга тушиб, 4 та гол урган ва 1 та голли узатмани амалга оширган. Бу ҳақда derbyderbyderby.it хабар берди.
