Дарвозабон Гульельмо Викарио «Тоттенхэм»дан «Ювентус»га ўтганидан сўнг ўз таассуротлари билан ўртоқлашди.
Сешанба куни Турин клуби 29 ёшли италиялик посбонни сотиб олиш ҳуқуқи билан ижарага олганини расман эълон қилди.
«Ҳозир мени жуда кучли ҳис-туйғулар қамраб олган, чунки «Ювентус»га ўтиш — бир маънода бутун умрлик орзумнинг ушалиши. Мен бу лаҳзани болалигимдан орзу қилиб келганман. Энди бу воқеа амалга ошганидан жуда фахрланаман.
Шундай буюк тарихга эга клуб шарафини ҳимоя қилиш — улкан масъулият. Мен бу масъулиятни мамнуният билан зиммамга оламан ва уни чин дилдан қабул қиламан», — дея Викарионинг сўзларини келтиради Football Italia.
Викарио 2023 йилдан буён «Тоттенхэм» сафида тўп тепиб келаётган эди. У Англияга кўчиб ўтишидан аввал Италиянинг «Эмполи» клубида фаолият юритган.
