Бугун, 19 август куни Ўзбекистон Суперлигасининг 18-туридан ўрин олган ОКМК — «Динамо» учрашуви бўлиб ўтади.
Баҳс соат 19:00 да ОКМК спорт мажмуасида бошланади ва Sport TV телеканали орқали жонли эфирда намойиш этилади.
Жамоалар шу кунга қадар ўзаро 27 марта тўқнаш келган. Бу баҳсларда ОКМКнинг устунлиги кузатилади: олмалиқликлар 12 марта ғалаба қозонган, «Динамо» эса 9 та учрашувда зафар қучган. Яна 6 та ўйин дуранг билан якунланган.
Тўплар нисбати ҳам ОКМК фойдасига — 40:27.
ОКМКнинг «Динамо» устидан қайд этган энг йирик ғалабаси 4:0 ҳисобида бўлган. Самарқандликларнинг рақиб майдонидаги энг йирик ғалабаси эса 4:2 ҳисобини ташкил этади.
