Bugun, 19 avgust kuni O‘zbekiston Superligasining 18-turidan o‘rin olgan OKMK — «Dinamo» uchrashuvi bo‘lib o‘tadi.

Bahs soat 19:00 da OKMK sport majmuasida boshlanadi va Sport TV telekanali orqali jonli efirda namoyish etiladi.

Jamoalar shu kunga qadar o‘zaro 27 marta to‘qnash kelgan. Bu bahslarda OKMKning ustunligi kuzatiladi: olmaliqliklar 12 marta g‘alaba qozongan, «Dinamo» esa 9 ta uchrashuvda zafar quchgan. Yana 6 ta o‘yin durang bilan yakunlangan.

To‘plar nisbati ham OKMK foydasiga — 40:27.

OKMKning «Dinamo» ustidan qayd etgan eng yirik g‘alabasi 4:0 hisobida bo‘lgan. Samarqandliklarning raqib maydonidagi eng yirik g‘alabasi esa 4:2 hisobini tashkil etadi.